Српскиот платеник Братислав Живковиќ наводно бил убиен во борбите во Курск, пренесуваат руските канали Телеграм.
Информацијата за смртта на Живковиќ не е официјално потврдена.
„Братислав Живковиќ (1975) загина во нападот во Курск“, пишува на профилите на X, поранешен Твитер.
„Во текот на ноќта, на 2 јануари, нашиот пријател и брат, командантот на јуришниот вод, Братислав Живковиќ, загина како херој во тешките битки за ослободување на Курската област“, пишува руската група Телеграм.
А на Фејсбук страницата посветена на Живковиќ пишува дека тој повеќе не е меѓу живите.
Кој е Братислав Живковиќ?
Братислав Живковиќ претходно беше познат како контроверзна личност која ги прекршила српските закони борејќи војува во странство.
Во 2018 година тој беше уапсен во Србија под сомнение дека организирал учество на Срби во вооружени конфликти во Украина и им нудел по 200 евра месечно за тоа, но во април 2019 година обвинителството ја прекина истрагата против него.
Живковиќ, за кој се шпекулира дека има и српско и руско државјанство, еднаш негираше дека руската држава била вмешана во активностите со кои тој се занимавал.
Но, тој зборуваше за тоа дека „српските доброволци“ за учество во конфликтите добивале месечен надоместок од 150 до 200 евра, но не од Москва, туку од буџетот на самопрогласената Луганска Народна Република.
Живковиќ се бореше на страната на проруските сепаратисти во украинските региони Доњецк и Луганск во 2014 и 2015 година како дел од екстремно десничарската организација Unité Continentale.
Се претставувал како четник и новинар и како командант на четничкото движење во Србија.