Павел Дуров, основачот на апликацијата Телеграм, кој е под истрага во Франција, денеска објави дека француските власти наместо да го приведат, требало да ѝ се обратат на неговата компанија со поплаки.
На својот канал Телеграм, во својот прв јавен коментар по притворањето минатиот месец, Дуров негираше каква било сугестија дека апликацијата е „анархичен рај“.
Тој рече дека истрагата за апликацијата го изненадила бидејќи француските власти можеле во секое време да стапат во контакт со претставникот на Телеграм во ЕУ.
„Доколку државата не е задоволна од услугата Интернет, воспоставената практика е да се покрене судска постапка против самата услуга“, напиша тој.
„Користењето закони од ерата пред паметните телефони за да се обвини извршен директор за злосторства извршени од трети лица на платформа со која тој управува е погрешен пристап“, вели Дуров.