Русија и Белорусија веќе немаат повластен трговски статус, беше одлучено со гласање во американскиот Конгрес, пишува Business Standard.
Ова е одговорот на САД на руската инвазија на Украина, што го отвора патот за воведување казнени царини за производите од Русија и Белорусија.
Украина: Имаме 7.000 загинати руски војници во фрижидерите, Русија не сака да ги земе
Понатамошна изолација на Русија од глобалната сцена
Американскиот претседател Џо Бајден, во координација со неговите европски сојузници, го објави овој потег во март, со цел дополнително да се изолира Русија од глобалната сцена.
Претставничкиот дом и Сенатот на САД требаше да ја одобрат мерката. Двете партии во двата дома силно ја поддржуваат мерката.
Западните земји ќе ја отсечат Русија од светската трговија
Со укинувањето на статусот на привилегирана нација, основниот принцип на реципроцитет на слободната трговија, Запад практично ќе ја отсече Русија од светската трговија бидејќи ќе се воведат високи царини за увозните руски производи.
Само две други земји, што се однесува до САД, се исклучени од овој режим на реципроцитет, кој е основен елемент на меѓународните трговски односи. Тоа се Северна Кореја и Куба.
„Русите го напуштија регионот Суми, но оставија многу мини“, тврди гувернерот
Минатата година САД увезле руски производи за околу 30 милијарди долари, од кои 17,5 милијарди биле за нафта. Вашингтон сега воведе ембарго за увоз на нафта.
САД воведоа санкции за уште две компании контролирани од Русија
Соединетите Американски Држави воведоа санкции за две други компании контролирани од руската држава, објави во четвртокот американското Министерство за финансии.
Станува збор за санкции против рускиот рударски гигант Алрос и главниот руски бродоградител United Shipbuilding Corporation – USC.
Русија призна „значителни загуби на војници“, Песков: Огромна трагедија за нас
Алрос се занимава со дијаманти, додека United Shipbuilding Corporation – USC ги произведува речиси сите руски воени бродови.
Мерките на САД ги засилуваат санкциите воведени во последните недели во западните земји. Целта на санкциите е постепено прекинување на финансиските и економските врски на Русија со остатокот од светот.