Проценката на Росстат е повисока од пресметката на руското Министерство за економија, кое го процени растот на руската економија во третиот квартал на 5,2 отсто, како и прогнозата на Банката на Русија (БР) од 5,1 отсто, пренесува Комерсант.
Во коментарот на Росстат се наведува дека при пресметувањето на БДП за третиот квартал, користени се показатели за индустриската статистика, кои покажуваат годишен пораст на прометот на големо – за 22,9 проценти, прометот на мало – за 11,3 проценти, како и производството во преработувачката индустрија – 10,2 проценти, градежништво – осум проценти, земјоделство – четири проценти.
Подетални податоци за проценките за растот на БДП во третиот квартал ќе бидат објавени на 13 декември.
Според пресметките на агенцијата Интерфакс врз основа на квартални податоци, руската економија пораснала за 2,9 отсто на годишно ниво од јануари до септември.
Премиерот на Русија, Михаил Мишустин, претходно процени дека годишниот раст на руската економија во првите девет месеци ќе биде 2,8 отсто.