Русија го пребара домот на новинарката која во живо протестираше против војната

Сподели со своите пријатели

Руските власти извршија претрес во домот на поранешна новинарка на државната телевизија, која дала отказ од својата работа откако во етерот протестираше против војната во Украина.

Loading...

Тие, исто така, покренаа кривична постапка против неа под обвинение за ширење лажни информации за руските вооружени сили, изјави нејзиниот адвокат, а пренесува „Гардијан“.

„Против Марина Овсијаникова е покрената постапка според законот што беше донесен по инвазијата на Украина на 24 февруари, со кој се казнуваат изјавите против армијата“, изјави адвокатот Дмитриј Закватов.

Доколку биде осудена, ѝ се заканува затворска казна до 15 години.

ПРОЧИТАЈТЕ И:  Директорот на нуклеарката Запорожје не се враќа на работа

Адвокатот на Телеграм изјави дека очекува по претресот властите да ја приведат Овсијаникова на распит.

Таа е веќе двапати судена

Овсијаникова привлече меѓународно внимание во март, откако упадна во руското државно телевизиско студио каде што работеше во тоа време и ја осуди војната во Украина за време на пренос во живо.

Поради тоа, таа е казнета со 30.000 рубљи поради кршење на законот за протести.

Во јули таа беше изведена пред суд за последователни објави на социјалните мрежи во кои напиша дека одговорните за акциите на Русија во Украина ќе бидат на обвинителна клупа пред меѓународен суд.

Loading...
ПРОЧИТАЈТЕ И:  Русите од мобилизација бегаат и во Белорусија

На суд, Овсијаникова го повтори својот протест и рече дека нема да ги повлече своите зборови.

Таа рече дека не разбира зошто е таму и за што ѝ судат.

„Русија е агресорот, започнувањето на оваа војна е најголемото злосторство на нашата влада“

„Ова што се случува овде е апсурдно. Војната е ужас, крв и срам. Вашите обвинувања се како да ме обвинувате за ширење на мајмунски сипаници… Целта на судењето е да се заплашат сите луѓе кои се против војната во Украина. Русија е агресорот. почетокот на оваа војна е најголемото злосторство на нашата влада“, рече тогаш новинарот.

ПРОЧИТАЈТЕ И:  Украина објави снимка: „Ова го најдовме во руска комора за мачење“

Адвокатот на Овсијаникова во јули изјави дека таа има право да зборува според членот 29 од рускиот устав, кој го штити правото на слобода на изразување.

Но, судијата ги отфрли аргументите на адвокатот и ја казни поранешната новинарка со 50.000 рубљи.

Сите информации поврзани со најновите случувања со војната во Украина можете да ги прочитате ТУКА.