Според истражувањето на Германскиот економски институт, 7,5 отсто од мажите и 3,5 отсто од жените работеле без да платат данок во последните дванаесет месеци.
Помладите луѓе се со поголема веројатност да изберат да работат на црно во споредба со постарите, пренесува списанието Fenix.
– Анкетите на компаниите покажаа дека непријавената работа ги чини компаниите во просек по 5 отсто од нивниот промет. Тоа одговара на промет од околу 300 милијарди евра годишно што го губат компаниите – наведуваат од Институтот.
Незаконското работење, кое сочинува значаен дел од сивата економија, се однесува на избегнување даночни и придонеси за социјално осигурување и непочитување на законските прописи во трговското право.
Овој феномен е особено важен за економската политика, пазарот на труд и фискалните реформи во Германија.
– Сегашните резултати од истражувањето сега фрлаат малку повеќе светлина на ова прашање – и покажуваат изненадувачки јасна слика за распространетоста на непријавената работа во Германија – истакнува Институтот.
Контролата над сузбивањето на непријавената работа ја врши Финансиската контрола на црно (ФКС) во согласност со Законот за сузбивање на непријавена работа (SchwarzArbG), каде што нејзината улога е да ги следи работодавците и да ги санкционира нелегалните вработувања.
Во текот на 2023 година, извршени се 42.631 инспекциски надзор, при што инспекторите на ФКС вршат надзор над ризичните дејности, како што се градежниот сектор и угостителството.
Овие контроли резултираа со поведување на повеќе од 100 илјади кривични постапки и речиси 50 илјади прекршочни постапки.
– Според Финансискиот мониторинг на незаконски вработувања (ФКС) на Царинската испостава, германската држава претрпе загуби од 615 милиони евра во 2023 година, иако бројот на непријавени случаи е значително поголем – наведува познатиот економски институт.