Поранешната руска државјанка Алија Роза тврди дека некогаш работела како шпион. Таа откри како заведувала и манипулирала со цели.
Во новиот подкаст „To Die For“, Tenderfoot Television и iHart Podcast разговараат за наводната „обука, техники, цели и мисии“.
View this post on Instagram
– Повеќе од две децении молчам. Но, од повеќе причини не можев повеќе да молчам. Не можев повеќе да живеам со оваа болка, иако поминав низ сите овие трауми. Ако јас не зборувам, кој би? – изјави Алија, пренесува Ndtv.com.
Таа се присети како побегнала од Москва со својот син за подобар живот.
– Најголемиот потфат во мојот живот е тоа што станав родител. Сакав да создадам семејство, да имам деца. И не ми беше дозволено да го направам тоа. Тогаш сфатив: „Чекај малку, имам само овој живот. Не сакам да го трошам жртвувајќи се за нешто во што повеќе не верувам. Тоа беше моментот кога почнав да ги барам можностите за бегство – изјави Алиа.
View this post on Instagram
Специјална државна програма
Поранешната шпионка зборувала и за семејството. Таа рече дека е родена во мешано казахстанско-татарско семејство на висок воен офицер на Советскиот Сојуз.
Таа, како што вели, била вклучена во посебна државна програма за деца на високи офицери.
Иако сакала да биде моден дизајнер, нејзиниот татко ѝ рекол дека нема друг избор освен да присуствува на таа програма.
View this post on Instagram
Од раното детство научила боречки вештини и се занимавала со други напорни физички активности, така што на 18 години станала дел од „секс програмата“.
Таа била избрана од група од 350 студенти да учествува во тајна програма развиена од поранешни психолози и високи офицери на КГБ.
– Не е само секс – тоа е многу далеку од секс. Сè се врти околу уметноста на комуникација. Научивме како да се облекуваме, нашминкаме, да се претставуваме, како да разговараме со нашите цели и како да ги натераме да ни веруваат. Се работи за психологијата на луѓето, криминалците, мажите… За разбирањето на машката перспектива и што точно тие сакаат – изјави Алиа.
Програма за заведување и секс
– Кога заведуваш, тоа е како да… почнуваш со добар комплимент. Не е само да се каже, на пример, дека ми се допаѓа твојата јакна. Мора да биде нешто навистина специфично и соодветно во тој момент. Тоа ќе ги привлече луѓето кон вас. Ќе почеш да им се допаѓаш. И кога знаете како да одржите разговор, луѓето ќе станат многу отворени за вас. Тие ќе станат многу пријателски расположени. Учите како да бидете пријателски расположени и почитувани во општеството. Постојат и сексуални техники. Тоа е екстремно, но ќе ја направи вашата цел опседната со вас. Тоа е сосема друга игра – вели тој.
И покрај ниските примања – 100 долари месечно за шестдневна работна недела – таа продолжила со својата работа затоа што „се чувствувала како херој што спасува нечиј живот“.
View this post on Instagram
– На крајот на денот, кога спасив нечиј живот, се чувствував добро поради тоа. Но, никогаш не се запрашав како се чувствувам во тело кое постојано беше злоставувано и силувано од случајни мажи. Еден поранешен агент на ФБИ рече дека сум скршена играчка, дека и самата сум била предмет на сексуална трговија. Но, не сите мои колеги мислат така. Се чувствувавме како патриоти. Бевме подготвени да се жртвуваме и да направиме се за нашата влада. Така се чувствував – вели Русинката.
Сепак, таа исто така се чувствуваше „искористена“ од руската влада и подоцна сфати дека и е „исперен мозок“.
– Сите тие други агентки ги видов на одредена возраст, на пример 56. Беа толку мизерни, осамени. Не смееле да имаат приватен живот. Тие не можеа да имаат семејство. Не сакав тоа да ми се случи – изјави Алиа.
Наводната поранешна шпионка не се вратила во Русија повеќе од 10 години и сега користи ново име.
Им дава совети за заведување на жените на кои им треба зајакнување на самодовербата и има над милион следбеници на Инстаграм, пишува Ndtv.com.