Познатиот ирански пејач Мехди Јарахи, кој зборуваше против строгиот кодекс на облекување на жените во земјата, е осуден на 74 удари со камшик како дел од договорот за прекин на кривичната постапка против него.
Јарахи беше осуден во јануари минатата година за незаконско објавување на протестна песна наречена „Твојот шал“ на првата годишнина од протестите „Жени, живот, слобода“.
Британски Гардијан пишува дека неговата едногодишна затворска казна подоцна била заменета со електронско следење, кое завршило во декември, по што бил ослободен.
Сепак, враќањето на неговата кауција од 15 милијарди долари, платена од трето лице, беше зависно од неговото камшикување, кое беше извршено оваа недела.
Подготвен сум да ја прифатам казната од 74 удари со камшик и иако ја осудувам оваа нечовечка тортура, не барам да биде поништена“, напиша тој на Х.
Веста за камшикувањето предизвика бес на социјалните мрежи во Иран.
Добитникот на Нобеловата награда за мир Наргес Мохамади на Инстаграм напиша:
„Извршувањето на казната за камшикување на Мехди Јарахи е одмазда за неговата поддршка за жените во Иран. Камшикувањето на телото на Мехди е камшик за гордите, издржливи жени во Иран и процутот и моќната душа на движењето „Жени, живот, слобода“.
Во 2024 година, иранското правосудство осуди најмалку 131 лице на вкупно 9.957 удари со камшик, според една иранска невладина организација.