Полска не можеше да ја формира таканаречената Украинска легија поради недостиг на луѓе подготвени да служат во неа, изјави денеска полскиот министер за одбрана Владислав Косињак Камис за порталот Виртуелна Полска.
„За ова се подготвивме во рамките на договорот потпишан меѓу Полска и Украина, но не сме одговорни за регрутирањето“, рече Косињак Камис, пишува весникот „Вјадомосќа“.
Во исто време, како што истакна министерот, првичните проценки за бројот на луѓе кои сакаат да влезат во единицата „биле многу високи“.
Во Варшава веруваа дека можат да формираат бригада, односно да регрутираат неколку илјади луѓе.
„Меѓутоа, тоа не се случи“, заклучи тој.
Во јули, Полска и Украина потпишаа нов договор за долгорочна воена соработка, кој вклучуваше обука на Украинската легија, нова воена единица, на полска територија, пренесува Танјуг.
Се претпоставуваше дека Украинците заинтересирани да се приклучат на легијата ќе бидат опремени со опрема во полските единици на сметка на Варшава.
Полскиот весник „Dzienik gazeta pravna“ минатиот месец објави дека формирањето на легијата никогаш не започнало.