Крестов-2 е луксузен затвор со пет ѕвездички кој се наоѓа во родниот град на рускиот претседател Владимир Путин во Сакнт Петербург.
Овој објект е опремен со најдобрата опрема за да 4.000 затвореници, колку што е капацитетот, би можеле да имаат соодветен престој при отслужување на затворската казна.
Во целиот објект постои подно греење, соби за рекреација, затворениците дури не мораат ниту да пешачат од еден до друг крај на затворот, туку ќе има подвижни скали.
Инаку во овој затвор за време на Советскиот сојуз престојувале политичките затвореници.,
Од овој затвор не е можно да се избега, затоа што нема да има набљудувачи и наоружени чувари, туку за безбедноста ќе се погрижат електронските сензори на ѕидовите и на подот.
Оваа е најмодерниот затвор во Русија и најголем во Европа. Секој затвореник има свои седум квадрати како што пропишува европскиот стандар – вели Генади Кориенко, началник на затворската служба во Русија.
Путин пред девет години најавил дека овој затвор ќе биде погоден и за мајки или татковци со мали деца, кои би имале посебни простории.
Внатрешноста на овој затворски комплекс ќе има и православна црква, болница, концертна сала, па дури и музеј.
Објектот ќе биде поделен на две класи, а затворениците кои ќе се грижат за комплексто – „домаќин(к)и“, доколку бидат добри работници би можеле да бидат унапредени и сместени во подобри простории.
Првите затвореници се очекува тука да пристигнат веќе со почетокот на новата година.