Израелскиот премиер Бенјамин Нетанјаху го отфрли коментарот на Џо Бајден дека неговиот пристап кон војната во Газа „му прави повеќе штета отколку корист на Израел“, за што Гардијан тврди дека го ескалирало спорот меѓу двајцата лидери.
Во текот на викендот, американскиот претседател рече дека Нетанјаху „мора да посвети поголемо внимание на невините животи кои се изгубени како резултат на преземените акции“ во Газа и дека неговиот став е штетен за интересите на Израел.
Нетанјаху возврати во неделата вечерта во интервју за Политико, велејќи дека ако Бајден мисли дека „водам приватна политика против мнозинството, [против] желбите на мнозинството Израелци и дека тоа им штети на интересите на Израел, тогаш тој греши и за двете “, рече Нетанјаху.
Бајден рече дека потенцијалната инвазија на Рафах – последното место на релативна безбедност во Газа – е „црвена линија“ за него, но додаде дека никогаш нема „да го напушти Израел“.
„Одбраната на Израел се уште е критична, така што нема црвена линија. Ќе го прекинам протокот на моето оружје за да ја немаат ни „Железната купола“ за да ги заштити“.
Железната купола е противракетен штит кој служи за одбрана од ракети, артилериски и минофрлачки проектили што е развиен за заштита на израелските градови и територија.
По пет месеци војна, ОН велат дека четвртина од луѓето во Газа се на работ на гладување.
Локалното министерство за здравство во саботата соопшти дека 23 лица, меѓу кои и неколку деца, починале од дехидрација или неухранетост во претходните 10 дена.