Дирекцијата за државна безбедност и разузнавачки служби (ДСН) започна истрага за наводниот инцидент во рафинеријата ОМВ во Швехат во близина на Виена, што негативно влијаеше на испораките на гориво за Австрија.
ДСН истражува дали инцидентот, кој сериозно ја оштети главната фабрика за дестилација на гориво, е несреќа или саботажа.
Виенскиот весник „Курир“ тврди дека има се повеќе индиции дека се работи за саботажа, која ја парализирала главната рафинерија во земјата, јави Танјуг.
Имено, од инцидентот, рафинеријата „Швехат“ работи само со една петтина од својот капацитет, што е недоволно за да се обезбеди безбедност во снабдувањето со гориво во земјата.
Австриската влада, за да обезбеди снабдување, мораше во неколку наврати да им стави на располагање гориво на нафтените компании од националните резерви.
ДСН води истрага против непознати лица, а се шпекулира дека зад дефектот во рафинеријата би можела да стои и руската разузнавачка служба, па австриските безбедносни сили се во контакт со европските партнери.
Според „Курир“, раководните лица во ОМВ се сомневаат дека се работи за несреќен случај.
Официјално од ОМВ сѐ уште тврдат дека се работи за инцидент поради немилите постапки на работниците кои работеле на ремонт на комбинатот.
Портпаролот на ОМВ, Андреас Ринхофер, тврди дека нема гласини дека инцидентот во Швехат бил саботажа и дека нема индикации за такво сценарио.
Недостигот на тие индиции беше главната причина што претставниците на ОМВ досега тврдеа дека се работи за несреќен случај.
Затоа, велат упатените, полицијата само два пати го посетила местото на несреќата.
Меѓутоа, ОМВ сега стапи во контакт со МВР со сомнеж дека сепак се работи за саботажа.
Инцидентот се случи на 3 јуни за време на проверка на притисокот на водата како дел од генералниот ремонт на рафинеријата.
Оштетена е главната фабрика за дестилација, а дефектот нема да се отстрани до средината на следниот месец.
Досега рафинеријата работеше со само околу 20 отсто од капацитетот.
Ова, велат, е главната причина за високата цена на дизелот во Австрија.
Сите информации поврзани со најновите случувања со војната во Украина можете да ги прочитате ТУКА.