Неколку плажи во украинскиот црноморски град Одеса се официјално отворени за капење за прв пат од почетокот на руската инвазија, и покрај забраната за пливање за време на воздушни напади, соопштија денеска локалните власти.
Одеса, најголемото пристаниште и поморска база во Украина, постојано беше нападната со проектили и дронови, а морето беше преполно со стотици мини од инвазијата во февруари минатата година.
Заради безбедност на жителите и по експлозија на неколку мина на плажите, крајбрежјето е затворено.
Воените и цивилните власти заеднички одлучија повторно да ги отворат плажите, изјави гувернерот на областа Одеса, Олег Кипер на комуникациската платформа Телеграм.
Тој рече дека плажите ќе бидат отворени од осум наутро до осум навечер.
Олександр, спасител и поранешен нуркач, рече дека минската мрежа била поставена меѓу две дивини за да ги заштити капачите од мини во плиткото море.
Отворањето на плажите претставува краток одмор од војната за луѓето да можат да пливаат и да се сончаат.
„Сонував да одам на плажа и да дишам во солениот воздух. Многу ни недостасуваше. Но безбедноста е главен приоритет”, рече Свитлана, жителка на регионот Одеса.
Сите информации поврзани со најновите случувања со војната во Украина можете да ги прочитате ТУКА.