Времето денеска низ Македонија ќе биде променливо облачно со сончеви периоди во источните делови, информираат од Управата за хидрометеоролошки работи.
Ќе дува слаб променлив ветер. Минималните температури ќе бидат во интервал од -8 до 1 степен целзиусов, а максималните од 2 до 11 степени.
Во Куманово и околината денеска ќе имаме облачно време со слаб до умерен ветер од јужен и југозападен правец.
Утринската температура ќе се движи околу два степени под нулата, додека максималната дневна се очекува да достигне шест степени целзиусови.
Утре низ кумановско ќе имаме облачно време со врнежи од дожд. Ќе дува слаб до умерен ветер од јужен правец. Температурата во утринските часови ќе се движи околу еден степен, а максималната дневна ќе достигне пет степени целзиусови.
Во среда ќе имаме претежно сончево време со мала облачност. Ќе дува слаб до умерен северозападен ветер, а температурата ќе се движи од минимални -1 до максимални осум степени целзиусови.
Претежно сончево време со мала облачност ќе имаме и во четврток, кога ќе дува слаб до умерен ветер од југ. Утринската температура ќе се движи околу еден степен, а максималната дневна се очекува да достигне 8 степени целзиусови.
Петок носи облачно време со слаб до умерен ветер од западен и северозападен правец. Температурата ќе се движи меѓу минимални 1 и максимални 9 степени целзиусови.
Во сабота ќе имаме претежно сончево и потопло време. Ќе дува слаб до умерен ветер од југоисточен правец. Температурата во утринските часови ќе се движи околу нулата, а максималната дневна се очекува да достигне 13 степени целзиусови.
Топло и сончево време ќе имаме и во недела. Ќе дува слаб до умерен југозападен ветер, а температурата ќе се движи меѓу минимални 0 и максимални 14 степени целзиусови.
Слично време со двоцифрени дневни температури ќе се задржи и следната недела.
Никола Ивановски