Времето денеска низ Македонија ќе биде сончево и топло со слаб до умерен ветер од северен правец, информираат од Управата за хидрометеоролошки работи.
Максималната температура ќе биде во интервал од 26 до 33 степени.
Во Куманово и околината денеска ќе имаме сончево и многу топло време. Ќе дува слаб до умерне ветер од северен и севрозападен правец.
Температурата во утринските часови ќе се движи околу 10 степени, додека дневниот максимум ќе се искачи до високи 30 степени целзиусови.
Утре низ кумановско ќе имаме повторно сончево и многу топло време со слаб до умерен ветер од јужен и југозападен правец. Утринската температура ќе се движи околу 11 степени, а дневниот максимум се очекува да достигне до 31 степен целзиусов.
Среда носи уште потопло време, кога ќе дува слаб до умерен јужен ветер. Температурата во утринските часови ќе се движи околу 13 степени, а максималната дневна ќе се искачи до високи 32 степени целзиусови.
Во четврток ќе имаме претежно облачно време со кратки сончеви периоди и слаб до умерен ветер од северозападен правец. Минималната температура ќе се движи околу 15 степени, а максималната дневна ќе достигне 30 степени.
Претежно сончево и топло со мала облачност ќе биде времето и во петок, кога ќе дува слаб до умерен јужен ветер. Температурата ќе биде во интервал од минимални 14 до максимални 30 степени целзиусови.
И во сабота ќе имаме претежно сончево и топло време со мала облачност. Ќе дува слаб до умерен ветер од западен и југозападен правец. Температурата ќе се движи од 14 степени во утринските часови до 30 максимални во текот на денот.
Облачно со малку сонце ќе биде времето во недела кога ќе дува слаб до умерен ветер од јужен правец. Температурата ќе се движи од минимални 14 до максимални 27 степени целзиусови.
Од следната работна недела се очекува дожд и опаѓање на температурите.
Никола Ивановски