Времето денеска низ Македонија ќе биде сончево и топло со мала до умерена локална облачност, информираат од Управата за хидрометеоролошки работи.
Во попладневните часови ќе има услови за изолирана појава на пороен дожд и грмежи. Ќе дува слаб до умерен ветер од северен правец.
Максималната температура ќе биде во интервал од 31 до 39 степени.
Во Куманово и околината денеска ќе имаме сончево и многу топло време.
Ќе дува слаб до умерено засилен ветер од северен и североисточен правец.
Утринската температура ќе се движи околу 17 степени, а максимумот во тект на денот ќе достигне 34 степени целзиусови.
Од страна на УХМР за регионот на кумановско за денеска е издадено жолто метео предупредување за опасност од високи температури.
Утре во кумановско ќе имаме сончево и многу топло време.
Ќе дува слаб до умерен ветер од источен и југоисточен правец.
Температурата во утринските часови ќе се движи околу 19 степени, а максимумот во текот на денот ќе се искачи до високи 36 степени целзиусови.
Недела исто така носи сончево и многу топло време.
Ќе дува слаб до умерен ветер од северозападен правец, а температурата ќе се движи во интервал од минимални 17 до максимални 35 степени целзиусови.
Првиот дел од претстојната работна недела носи нестабилно време, по што во вториот ќе имаме и драстичен пад на температурите.
Никола Ивановски