Францускиот претседател Емануел Макрон побара од новиот премиер Франсоа Баиро да излезе со список на министри за нова влада до крајот на денот во услови на зголемени меѓусебни тензии меѓу двајцата официјални лица.
Бајру вчера изјави дека планира да го објави составот на министри до крајот на оваа недела, објави Политико.
И покрај тоа, тој брзо го обвини Макрон за какво било одложување на формирањето влада, додавајќи дека претседателот треба да биде во земјата за да го одобри изборот на министри, истовремено сугерирајќи дека Макрон има напорен меѓународен распоред.
На Макрон, кој создаде репутација дека не избрзува со донесување одлуки, сепак не му се допадна ваквиот коментар на Бајру, па тој реагираше повикувајќи го до крајот на денот да излезе со список на министри за новата влада.
Советникот на претседателот изјави за Политико дека Макрон ги очекува предлозите на премиерот откако денеска ќе ги заврши консултациите со парламентарните лидери.
Се очекува Макрон наскоро да отпатува на францускиот остров Мајот, опустошениот од циклонот во Индискиот Океан и да присуствува на состанокот на Европскиот совет во Брисел во четврток.
Бајру стана премиер минатиот петок, откако екстремно десничарската партија Национален собир и левичарскиот Нов народен фронт усвоија заедничка иницијатива за недоверба на претходната влада предводена од Мишел Барние.