Кремљ во моментов нема планови за средба меѓу рускиот претседател Владимир Путин и американскиот претседател Доналд Трамп во Кина, изјави портпаролот на рускиот претседател, Дмитриј Песков.
„Можам да ви кажам дека во моментов нема такви планови“, изјави Песков пред новинарите кога беше прашан дали средба меѓу Путин и Трамп може да се одржи за време на посетата на рускиот лидер на Кина.
Посетата на рускиот претседател Владимир Путин на Кина се подготвува, а Кремљ ќе ги објави точните датуми, додаде Песков.
„Посетата на претседателот Путин на Кина навистина се подготвува. Кина е наш привилегиран стратешки партнер. Посетата и контактите на високо ниво се подготвуваат, а ние ќе ве информираме за датумите на овие контакти навремено“, изјави Песков пред новинарите, одговарајќи на прашање за временската рамка на посетата.
Претходно, кинескиот претседател Си Џинпинг го покани рускиот претседател Владимир Путин да оствари официјална посета на Кина во 2026 година.
Во февруари, Песков објави дека Русија и Кина ќе продолжат со редовна размена на посети на високо ниво оваа година.