Поради ширењето на коронавирусот, Европската радиодифузна унија (ЕБУ) размислува за алтернативни решенија за натпреварот за избор на песна на Евровизија, но како што посочуваат од организацијата, сè уште е рано да се донесе конечна одлука за промена на начинот на одржување на натпреварот.
Европската радиодифузна унија (ЕБУ) внимателно ја следи состојбата во врска со ширењето на коронавирусот и ги следи советите и насоките на Светската здравствена организација и националните здравствени институции, се вели на официјалната веб-страница на Евровизија.
Слушнете ја евровизиската песна на Македонија за 2020 (ВИДЕО)
ЕБУ додава дека соработува тесно со холандскиот медиумски сервис што го организира натпреварот, како и со градот Ротердам, за да испита различни потенцијални сценарија за натпреварот за песна на Евровизија 2020 година.
Сепак, како што се наведува до натпреварувањето има уште два месеци и сè уште е рано да се донесе конечна одлука затоа што ситуацијата брзо се менува, како во Холандија така и во другите земји кои учествуваат на годинашната Евровизија.
Македонија ќе настапи меѓу првите на Евровизија 2020
„Ние продолжуваме да работиме заедно како тим за да се подготвиме за 65-от натпревар за избор на песна на Евровизија во Ротердам“, се наведува на официјалната веб-страница на натпреварот.
Овогодинешниот натпревар за песна на Евровизија е предвидено да се одржи од 12 до 16 мај во Ахој арената во Ротердам.
Земјата на лалињата и ветерниците има ново име
Организаторите веќе изјавија дека размислуваат за алтернативни решенија за организирање на натпреварот.