Кинез кој истрча маратон во Гуангжу со цигара во уста стана интернет сензација поради неговиот бизарен потег.
Човекот, кој е познат како чичко Чен, цело време трчал без да се одвои од тутунот, а на социјалните мрежи брзо почнале да се шират фотографии од неговиот потфат.
Чен успеал да ја заврши патеката долга 42 километри за три часа и 28 минути, што било доволно добро за 574 место од околу 1.500 натпреварувачи тој ден.
Ова не е прв пат Чен да прави вакво нешто.
Се верува дека тој учествувал на маратонот во Гуангжу 2018 и маратонот Ксиамен во 2019 година, а потоа пушел и кутија цигари.
На маратонот нема правило за пушење
Откако стана вирално, многу луѓе на интернет ги критикуваа неговите постапки и напишаа дека не треба да му се дозволува да пуши во трката.
„Кутрите тркачи околу него“, напиша еден од коментарите.
Сепак, на маратонската патека нема правила за пушење, не само затоа што се одржува надвор, туку и затоа што е вкоренета идејата да не се пуши за време на настанот.
Изгледа дека Чен решил да ја искористи таа „дупка“ за да се препушти на порокот дури и додека се занимава со здрава активност.