Севернокорејскиот лидер Ким Џонг Ун се чини отиде во Русија на самит со претседателот Владимир Путин, објави јужнокорејскиот информативен канал YTN, цитирајќи неименуван владин извор.
Според достапните информации, Ким со специјален воз отишол до североисточната граница на Северна Кореја, а средбата меѓу двајцата лидери треба да се одржи најрано во вторник.
Претходно YTN објави дека средбата меѓу Ким и Путин се очекува во среда.
Руската новинска агенција претходно денеска објави дека Ким се очекува да го посети Далечниот Исток „во наредните денови“.
Доколку се одржи средбата, тоа ќе биде прва посета на Ким во странство по повеќе од четири години и прва по пандемијата на Ковид-19.
Последната посета на Ким беше на Владивосток во 2019 година, на првиот самит со Путин, откако преговорите со поранешниот американски претседател Доналд Трамп за откажувањето на Северна Кореја од нејзината нуклеарна програма пропаднаа.
Сите информации поврзани со најновите случувања во Северна Кореја можете да ги прочитате ТУКА.