Владејачката партија Аманат во Казахстан денеска едногласно го номинираше претседателот на земјата Касим-Жомарт Токаев за нов мандат, на вонредни претседателски избори.
Претходно претседателот на партијата Јерлан Кошанов ја предложи кандидатурата на казахстанскиот претседател за изборите на крајот на следниот месец, пренесува ТАСС.
Одлуката за именување на Токаев била едногласна, соопштуваат од партијата.
Токаев ја презеде функцијата претседател на Казахстан во март 2019 година, наследувајќи го Нурсултан Назарбаев по 29 години на власт.