Уапсен е мажот кој наводно ја убил својата сопруга, а потоа неколку недели спиел покрај нејзиното тело во распаѓање.
Даглас Салазар Кастиљо им се преправал на загрижените соседи дека Рита Паредес Риоха е жива и здрава кога му кажале дека се загрижени затоа што не ја виделе со месеци.
Дури и го повикувал нејзиното име кога се враќал дома за да ја одржи илузијата дека е дома, пишува Мирор.
Сепак, 57-годишникот на крајот го признал делото пред чуварот во нивниот станбен комплекс во главниот град на Перу, Лима.
Наводно, Салазар му испратил фотографија од телото на мртвата сопруга на обезбедувањето, кое веднаш ја известило полицијата.
Полицијата упаднала во неговиот дом и го пронашла телото на неговата сопруга завиткано во ќебе на нивниот кревет, покрај неколку празни шишиња алкохол.
Салазар бил уапсена и може да биде обвинет за фемицид доколку обдукцијата потврди дека починала од надворешни причини, односно дека била убиена.
Властите во моментов ги чекаат резултатите од обдукцијата за да ја потврдат точната причина за нејзината смрт.
Жртвата во минатото неколку пати го пријавувала сопругот за семејно насилство во локалната полициска станица, но секогаш повторно се помирувале.
Соседите рекоа дека редовно ја слушале двојката како се расправа и се сомневале дека насилството е секојдневна појава во нивниот дом.
Салазар е во притвор во очекување на истрага.