Израел ја осуди истрагата на ФБИ за убиството на новинарката Ширин Абу Аклех

Сподели со своите пријатели

Израелскиот министер за одбрана Бени Ганц рече дека американската истрага за убиството на палестинско-американската новинарка Ширин Абу Аклех е „грешка“ и дека Израел нема да соработува со истрагата.

Loading...

Новинарот на Ал Џезира Абу Аклех беше убиен додека известуваше за израелска воена операција во бегалски камп во окупираниот град Џенин на Западниот Брег во мај.

– Одлуката на американското Министерство за правда да спроведе истрага за трагичната смрт на Ширин Абу Аклех е грешка – објави на Твитер израелскиот министер за одбрана Бени Ганц, пренесува Дојче веле.

– Израелските одбранбени сили спроведоа професионална, независна истрага, која им беше претставена на американските претставници со кои беа споделени деталите – рече Ганц.

ПРОЧИТАЈТЕ И:  Кремљ ги обвини САД: Ова што го правите е провокација

Тој нагласи дека извештајот за ова е доставен до претставниците на САД и дека тие стојат на страната на нивните одбранбени сили, како и дека нема да соработуваат во надворешната истрага и да дозволат интервенција во внатрешната истрага.

Ниту ФБИ ниту американското Министерство за правда не ги коментираа написите во медиумите дека ќе има истрага.