Индиските и кинеските војници денеска почнаа да се повлекуваат од една од клучните точки на спорната граница меѓу двете земји, како дел од напорите за намалување на тензиите по повеќе од две години судири кои понекогаш имаа смртоносен исход, објави индиското Министерство за одбрана.
Се наведува дека индиските и кинеските војници во областа Гогра-Хотспрингс почнале да се повлекуваат на плански и координирано, што придонесува за мирна атмосфера во пограничните области, пренесува АП.
Разделбата уследи по 16-тата рунда разговори на ниво на командант меѓу двете земји во јули, се вели во соопштението.
Кинеската влада веднаш не ги коментираше наводите.
АП потсетува дека постојат три клучни спорни точки меѓу двете земји, а тоа се Гогра-Хотспрингс, Депсанг и Пангонг, од каде минатата година имаше одредено повлекување на војниците.
Агенцијата забележува дека двете земји стационирале десетици илјади војници со поддршка на артилерија, тенкови и борбени авиони долж де факто границата, наречена Линија на вистинска контрола, пренесува Танјуг.
Во јуни 2020 година, 20 индиски војници беа убиени долж спорната граница во судир со кинески војници кои користеа палки, камења и тупаници, а Кина загуби четворица војници.
Кина и Индија водеа гранична војна во 1962 година, а Линијата на вистинска контрола ги одвојува териториите од Ладах на запад до источната индиска држава Аруначал Прадеш, за која Кина тврди.