На денешната вонредна седница на Совет на Општина Куманово по повод влошената безбедносна ситуација во Куманово, советниците ја усвоија Предлог – Одлуката за прекин на наставата во основните и средните училишта од Општина Куманово и во сите клонови во состав на ЈОУД- Детски градинка “Ангел Шајче” Куманово, како и Предлог – Одлука за обезбедување на финансиски средства за задоволување на основни потребни средства (храна, вода, хигиено-технички средства и други потреби) за евакуираното население.
Изјава за новинарите следеше од Максим Димитриевски, претседател на советот, при што истакна градоначлникот во дух на зачувување на меѓуетничките односи, ќе се сретне со верските лидери, со претставници на спортски клубови и невладиниот сектор, откако безбедносната ситуација во Куманово беше сериозно влошена во последните 48 часа.