DRӒXLMAIER Куманово заедно со своите вработени успешно реалзираше акција за пролетно чистење во месноста Рајкова куќа во блзина на Куманово. Преку волонтерски пристап и тимска работа вработените покажаа одговорност и високо ниво на свесност за заштита на животната околина.
Акцијата опфати рачно собирање смет и отпад, а DRӒXLMAIER ги обезбеди потребните реквизити како хигиeнски ракавици и соодветни кеси за собирање отпад.
Поттикнување на свеста за грижата за животната средина
„Преку реализација на акции од ваков тип сакаме да дадеме свој придонес кон градењето еколошки одржлива иднина и истовремено да поттикнеме свеста за почиста и поздрава околина да биде на уште повисоко ниво. Заштитата на климата и животната средина претставува еден од најголемите предизвици со кои се соочуваме во денешно време, а сите ние заедо можеме да направиме разлика“, велат од менаџментот на DRӒXLMAIER Македонија.
Пролетната акција за чистење беше реализирана во соработка со јавното претпријатие „Чистота и зеленило“ од Куманово кое по завршувањето соодветно го презема собраниот отпад.
Волонтерски пристап и висока мотивираност за почиста околина
Вработените, волонтерски и со многу ентузијазам покажаа дека грижата за чиста планета е наша одговорност. „Акциите за пролетно чистење се одлична можност секој од нас да даде свој придонес и како поединци, но и како тим да бидеме добар пример за подобра еколошка иднина“, вели Никола Димитријевиќ, вработен во DRӒXLMAIER Куманово. Фросина Николиќ, исто така вработена во DRӒXLMAIER Куманово смета дека ваквите активности се добра прилика за дружење со колегите, а тимскиот дух уште повеќе се зајакнува.
DRӒXLMAIER и понатаму заедно со своите вработени продолжува посветено да ја реализира својата цврсто воспоставена програма за заштита на климата и животната средина во рамките на компанијата.
Интегрално соопштение