Британските воени разузнавачи во најновиот извештај на Министерството за одбрана пишуваат за одлуката на Русија да ги повлече своите сили од Херсон, најголемиот град окупиран од Русите од почетокот на војната.
Разузнавачките претставници потсетуваат дека вчера рускиот министер за одбрана Сергеј Шојгу нареди повлекување на руските сили од западниот брег на реката Днепар во областа Херсон на југот на Украина.
Генералот Сергеј Суровикин, командант на руските сили во Украина, потврди дека руските сили ќе се повлечат на одбранбените позиции покрај реката Днепар, наведувајќи ги проблемите со снабдувањето како главна причина за одлуката.
„Русите ќе бидат ранливи кога ќе се повлечат“
Способноста на Русија да ги задржи силите на западниот брег на Днепар е доведена во прашање поради украинските напади на патиштата за снабдување, соопшти британското разузнавање, додавајќи дека руските сили уништиле неколку мостови и најверојатно поставиле мини додека се повлекувале за да го забават напредувањето на украинските сили.
Загубата на западниот брег на реките Днепар веројатно ќе ја спречи Русија да ја постигне својата важна стратешка цел – воспоставување копнен коридор кон Одеса.
Според британските разузнавачи, руските сили ќе бидат ранливи за време на повлекувањето поради ограничениот број локации каде што ќе можат да ја преминат реката Днепар.
Повлекувањето најверојатно ќе трае неколку дена, а силите кои се повлекуваат најверојатно ќе бидат покриени со артилериски оган од воспоставените одбранбени позиции, се вели во извештајот.
Latest Defence Intelligence update on the situation in Ukraine – 10 November 2022
Find out more about the UK government’s response: https://t.co/VQ5RuGCleE
🇺🇦 #StandWithUkraine 🇺🇦 pic.twitter.com/K6DWlrgdzv
— Ministry of Defence 🇬🇧 (@DefenceHQ) November 10, 2022
Сите информации поврзани со најновите случувања со војната во Украина можете да ги прочитате ТУКА.