Владата на Аргентина ги ограничи месечните зголемувања на цените во супермаркетите на максимум 5 отсто во следните 90 дена, обидувајќи се да ја намали троцифрената инфлација пред општите избори.
Министерот за економија Серџо Маса ја објави одлуката по состанокот со претставниците на супермаркетите, истакнувајќи дека официјалните лица постигнале договор со претставниците на 31 локален синџир супермаркети за стабилизирање на цените до општите избори закажани за октомври.
Маса е кандидат за претседател на владејачките перонисти, откако на прелиминарните избори минатата недела освои најмногу гласови од сите перонисти.
Противници на Маса се радикалниот слободар Хавиер Милеи, кој освои најмногу гласови од сите кандидати во земјата и централнодесничарската надеж Патриша Булрих.
Даночни олеснувања за оние супермаркети кои нема да имаат поскапувања повисоки од 5 отсто месечно
Договорот предвидува даночни олеснувања за оние супермаркети кои нема да имаат покачување на цените за повеќе од 5 отсто месечно, заедно со кредитна програма за малите и средни претпријатија кои снабдуваат супермаркети, се вели во соопштението на Министерството.
Претходно Владата донесе и други иницијативи за замрзнување на цените со цел да се спречи високата годишна инфлација, која во јули надмина 113 отсто.
Се очекува дека потрошувачките цени дополнително ќе се зголемат во август, бидејќи по неочекуваната победа на Мајли на прелиминарните избори, дојде до нагло девалвација на пезосот.
Во четвртокот, Министерството објави дека ќе ги замрзне цените на горивата до 31 октомври по договорот со индустријата.