Ракометарите на Куманово викендов забележаа победа со 25:24 откако на домашен терен го совладаа составот на Младост Богданци во крајно неизвесен натпревар.
Куманово го отвори натпреварот фуриозно, наметнувајќи го својот ритам и градејќи убедлива предност која во еден момент достигна и неверојатни 11-4!
Сепак, Младост не се предаде. Гостите се вратија во игра, ја искористија секоја можност и во вториот дел успеаја да ја свртат резултатската слика, најавувајќи неизвесна завршница.
Григор Трајковски блесна со 9 одбрани, давајќи значаен придонес во борбата за победата, додека Горан Цавејски се претвори во вистински херој во самиот финиш, кога со клучна интервенција во последниот напад на Младост го сочува водството и ги запечати двата бода за Куманово!
Омар Солиман Радван беше најдобриот стрелец на МРК Куманово со девет погодоци, додека Мохамед Карим Закарија постигна шест гола и даде значаен придонес во големиот триумф.
Кај гостите, Жељко Пејиќ беше најефикасен со шест погодоци, а Славе Јанковски и Тодор Узунчев постигнаа по пет гола.
Никола Ивановски / фото: МРК Куманово