На градскиот плоштад во Куманово утре ќе има бесплатни дерматолошки прегледи за граѓаните.
Прегледите ќе се одржуваат од 09:00 до 11:00 часот, а целта е навремено откривање на промени на кожата и спречување на посериозни здравствени проблеми.
Граѓаните ќе имаат можност бесплатно да ја проверат состојбата на својата кожа и да добијат стручна проценка, со што дополнително се подигнува свеста за важноста на редовните здравствени прегледи и раното откривање.
Активноста ја организира Здружението на виши и средни медицински сестри, техничари и акушерки при Здравствен дом – Куманово, со финансиска поддршка од Општина Куманово, обезбедена преку Јавниот повик за финансиска поддршка за превентивно-промотивни активности за унапредување на здравствената заштита.
Од организаторите ги повикуваат граѓаните да ја искористат можноста за бесплатен преглед и навреме да се погрижат за своето здравје.
Никола Ивановски