Русија ги предупреди Велика Британија и Франција дека „си играат со оган“ со тоа што испорачуваат ракетна технологија на Украина, велејќи дека Москва би можела да одговори со напади врз британски воени објекти во Украина и на други места, објавија руските медиуми.
Портпаролката на руското Министерство за надворешни работи, Марија Захарова, изјави дека Русија ќе одговори на украинските напади извршени од британско оружје со таргетирање на сите британски воени објекти во Украина и надвор од неа, објави руската државна новинска агенција ТАСС, како што објави „Гардијан“.
Предупредувањето дојде откако британскиот премиер Енди Бернам објави претходно оваа недела дека британската влада ќе дозволи објавување на планови за британски компоненти за ракетата SCALP.
Станува збор за француската верзија на британската крстосувачка ракета „Сторм Шедоу“, а целта е да се овозможи Украина да соработува со Франција на производство на сопствена верзија на тоа оружје.