Најновите царини што ги воведе администрацијата на претседателот на Соединетите Американски Држави Доналд Трамп за увоз на стоки опфаќаат и ненаселени или речиси ненаселени територии, вклучително и области на Австралија и Норвешка.
Loading...
Според списокот објавен на сметката на Белата куќа на мрежата Х, САД применувале царина од 10 отсто на стоки од островот Херд и Мекдоналд – австралиски територии лоцирани поблиску до Антарктикот, кои се целосно ненаселени, пишува Би-Би-Си.
Царини од 10 отсто беа воведени и за стоките од Свалбард и Јан Мајен, две оддалечени норвешки територии во близина на Северниот пол, кои заедно имаат околу 2.500 жители.
Не е јасно какви производи извезуваат тие територии во САД, пренесува Танјуг.