Трговскиот договор меѓу САД и Обединетото Кралство може да се случи „многу брзо“, а постои можност во случај на таков договор Вашингтон да не воведе царини за Велика Британија, изјави американскиот претседател Доналд Трамп.
„Можеме да завршиме со вистински трговски договор каде што нема да бидат потребни тарифи. Ќе видиме“, рече Трамп на конференцијата со британскиот премиер Кир Стармер.
Одговарајќи на новинарско прашање дали Стармер се обидел да го убеди да не воведува царини за Велика британија, Трамп рече дека британскиот премиер „се обидел“.
„Тој работеше напорно, тоа ви го кажувам. Тој заработи колку и да го плаќаат таму“, рече Трамп.
Стармер истакна дека трговските односи на Велика Британија со САД се „фер, избалансирани и реципрочни“, пренесува Би-Би-Си.
Трамп рече дека постои можност да обезбеди одредена поддршка за Украина, во форма на безбедносни гаранции, земајќи го предвид договорот за минерали.
Тој истакна дека „никој нема да игра“ ако американски работници се во Украина и ископуваат минерали.
Зборувајќи за економски, а не за трговски договор, Стармер рече дека Велика Британија и САД ќе започнат со работа на договор фокусиран на потенцијалот на вештачката интелигенција.
Стармер му подари на Трамп писмо од британскиот крал Чарлс, во кое го поканува во Бакингемската палата на неговата втора државна посета, додека американските претседатели традиционално прават таква.