Обновено е движењето на возилата по Кримскиот мост во правец Таман-Керч, соопшти вицепремиерот на руската влада Марат Хуснулин.
– Моторниот сообраќај на Кримскиот мост е обновен во крајната десна лента во правец Таман-Керч, изјави Хуснулин на Телеграм, пренесува РИА.
Тој додаде дека е можно мостот повторно да профункционира за возила во „најкус можен рок“ бидејќи анализата на конструкцијата потврдила дека повторно е возможно движењето на возилата.
„Изработена е привремена шема за организирање сообраќај на мостот. Пред да се донесе одлука за можноста за отварање сообраќај, полигонот беше дополнително испитан“, додаде Хуснулин.
Украинските сили во понеделникот наутро го гранатираа мостот на Крим, а во нападот загинаа две лица, а една девојка беше ранета.
Рускиот претседател изјави дека Москва ќе одговори на „терористичкиот напад“, кој бил суров и бесмислен, додавајќи дека Министерството за одбрана веќе подготвува одговор, пренесува Танјуг.
Сите информации поврзани со најновите случувања со војната во Украина можете да ги прочитате ТУКА.