Компанијата на Илон Маск, SpaceX, лансираше илјадници сателити во орбитата. Многумина и можеа да ги видат на небото и од Македонија.
Сателитите се дел од проектот Starlink, чија цел е да обезбеди брзи интернет услуги од вселената до оддалечените области на Земјата.
Starlink обезбедува интернет услуги преку огромна мрежа на сателити и е наменет за луѓе кои живеат во оддалечени области без пристап до брз интернет, пишува BBC.
„Има луѓе во Велика Британија во таа категорија, но ги има повеќе низ светот, на континенти како Африка“, рече д-р Лусинда Кинг, менаџер на вселенски проект на Универзитетот во Портсмут.
Сателитите на Starlink се поставени во ниска орбита на Земјата, така што врските помеѓу сателитите и површината на Земјата се што е можно подобри.
Сепак, потребен е голем број на такви сателити за да се обезбеди целосна покриеност на целиот свет.
Од 2018 година, се смета дека Starlink испратил околу 3.000 сателити во вселената, а на крајот може да има 10.000 или 12.000.
Со користење на сателити се решава проблемот со воспоставување на интернет конекција на оддалечени локации во пустини и планини без да се изгради огромна инфраструктура.
Колку чини Starlink и кој ќе го користи?
Во споредба со стандардните интернет конекции, Starlink не е евтин. На корисниците им се наплаќаат 99 долари месечно.
Антената и рутерот потребни за поврзување со сателитите чинат 549 долари. Сепак, 96% од домаќинствата во Британија веќе имаат пристап до брз интернет, како што имаат 90% во ЕУ и САД.
„Поголемиот дел од развиениот свет е веќе добро поврзан, така што Starlink се потпира на приходите од мал дел од пазарот“, вели професорот Саид Мотешар од Институтот за вселенска политика и право на Универзитетот во Лондон.
Компанијата објави дека има 400.000 претплатници во 36-те земји што моментално ги покрива – главно во Северна Америка, Европа и Австралија и Азија.
Следната година Starlink планира да ја прошири својата покриеност низ Африка и Јужна Америка, а потоа и во Азија, каде што интернет покриеноста е нерамномерна.
„Цените на Starlink можеби се превисоки за многу домаќинства во Африка, но може да помогне да се поврзат училиштата и болниците во оддалечените области таму“, рече Крис Хол.
Како Starlink помага во Украина?
Руските сили во Украина ги затворија украинските интернет сервиси и се обидоа да ги блокираат социјалните мрежи.
Затоа Маск одлучи да го направи Starlink достапен во Украина веднаш по почетокот на војната. Околу 15.000 комплети Starlink антени и рутери беа испорачани во Украина.
„Старлинк ги одржуваше јавните служби и владата. Русите не најдоа начин да го оневозможат тоа“, рече Хол.
Старлинк се користел и на бојното поле.
„Украинските сили го користат за комуникација меѓу штабовите и единиците на терен. Неговите сигнали не можат да се заглават како обичните радио сигнали, а потребни се само 15 минути за да се постават“, вели д-р. Марина Мирон, истражувач на студиите за одбрана на Кралскиот колеџ во Лондон.
Дали Starlink создава вселенски метеж?
Заедно со Starlink, има и конкуренти како OneWeb и Viasat, кои исто така управуваат со сателитски интернет услуги и поставуваат илјадници сателити во ниската орбита на Земјата.
Тоа ќе доведе до проблеми, вели Саид Мостешар.
„Тоа го прави просторот се помалку и помалку безбеден во однос на судири. Сателитите може да удрат во други вселенски тела и да создадат отпад, а тие би можеле да предизвикаат многу поголема штета кога летаат со голема брзина“, рече тој.
Неодамна имаше неколку блиски средби со сателитите Starlink, вклучително и за малку промашување со кинеска вселенска станица.
„Ако има премногу фрагменти, ниската орбита на Земјата би можела да стане неупотреблива во иднина. Можеби нема да можеме да излеземе од ниската орбита на Земјата и да влеземе во повисока орбита, каде што се нашите навигациски сателити и телекомуникациски сателити“, рече д-р Кинг.
Сателитите на Старлинк им предизвикуваат проблеми и на астрономите. На изгрејсонце и зајдисонце тие можат да се видат со голо око бидејќи тогаш на нивните крилја се гледа одразот на Сонцето.
Ова може да предизвика ленти на сликите од телескопот и да го попречи погледот на ѕвездите и планетите.