Украинскиот претседател Володимир Зеленски денеска пристигна во Германија на состанок на Контакт групата за Украина, пренесе агенцијата Франс прес.
Loading...
Зеленски ќе се обиде да ја добие поддршката од меѓународните сојузници додека украинската армија се повлекува на истокот од земјата под притисок на Русија.
По оваа средба, украинскиот лидер ќе разговара и со германскиот канцелар Олаф Шолц.
Состанокот во американската воздухопловна база во Рамштајн, западна Германија, доаѓа по смртоносните бомбардирања на руската војска во Украина, особено врз воениот институт во Полтава, каде што загинаа најмалку 55 лица.