Завршено е поставувањето на новогодишното украсување низ централното градско подрачје на Куманово.
Како што информираше директорот на Јавното претпријатие „Куманово Паркинг“, Андреја Маџовски, со поставување на елката на градскиот плоштад вчера е заокружен целиот процес.
– Новините се набавка на неколку нови елементи. Имаме една новина за прв пат, улицата „Маршал Тито“, која е мала, но сега е преслатка навечер. Имаме и една нова елка која моментално е популарна низ градовите во Европа за дечињата и еден нов лампион, симбол срце на градот. Има голем интерес за сликање особено кај новите пингвинче и мече каде може да ставите глава да се сликаат. Балонот на плоштадот е исто така многу популарен, изјави Маџовски.
Како што додава тој, интерес има за сликање и кај помладите, но и кај возрасните.
За оваа намена од општинскиот буџет се издвоени неполни три милиони денари.
– Украсите ги набавуваме на барање на Општина Куманово. Досега што биле набавени остануваат во наша сопственост и сега дополнуваме. Секоја година ќе биде дополнување, средствата не ги даваме за рентање, туку украсите ги задржуваме за нас, појасни директорот.
Како сега изгледа централното градско подрачје може да погледнете низ галеријата на Кумановски Муабети во продолжение на текстот.
Никола Ивановски