Најмалку 26 лица загинаа откако руски бомби погодија центар за дистрибуција на хуманитарна помош во Украина.
Украинскиот претседател Володимир Зеленски го опиша нападот како „ужасен чин“.
Во нападот се повредени пет лица, додека 27 лица првично се бараа како исчезнати, откако најмалку девет воздушни бомби, тешки по 3.000 килограми, го погодија селото Комишуваха во јужниот украински регион Запорожје, изјави шефот на тој регион, Михаило Семикин.
Претседателот на Украина, Володимир Зеленски, изјави дека по првиот напад на локалното училиште, кое се користело за хуманитарни потреби, следел втор напад на местото каде што луѓето се засолниле.
Тој објави видео на кое се гледа огромниот кратер оставен по нападот во понеделникот, како и спасувачките тимови кои пребаруваат низ урнатините.
An utterly horrific Russian attack on the settlement of Komyshuvakha in the Zaporizhzhia region. Since this morning, the settlement has been hit several times by aerial bombs. The strikes targeted a school used for humanitarian purposes – people were receiving humanitarian aid there. After the first aerial bomb strike, there was a double-tap strike with nine more bombs, specifically targeting the shelter where people were taking cover. Tragically, 18 people have already been reported killed. My condolences to their families and loved ones. Five people have been injured. A rescue operation is underway at the site, and the search for people continues. It is extremely difficult. Military forces, first responders, and special services are involved.
The Russians could not have been unaware that every week, local residents who had remained in Komyshuvakha received humanitarian aid at that very location. And this is further proof that Russia wants no de-escalation and no real justice. After the humanitarian operation in Oleshky, there was a moment when the next steps could have shown that progress toward peace was possible. With these killings, Russia is sending an entirely opposite signal: Russia is counting on more killings. There must be a response to this – a response from the world. A strong and tough response. A response to Russia. And support for Ukraine. We must protect lives. Thank you to everyone who is helping!
— Volodymyr Zelenskyy / Володимир Зеленський (@ZelenskyyUa) November 2, 2026
Руската војска јавно не го коментираше нападот.
Зеленски првично рече дека 18 лица загинале, но Украинската државна служба за итни случаи (ДСНС) подоцна потврди дека загинале 24 лица, меѓу кои двајца спасувачи и четворица полицајци.
Во видео порака објавена доцна во понеделникот, Зеленски потврди дека бројот на загинати се искачи на 26.
Тој претходно изјави дека „Русите не можеле да не знаат дека локалните жители кои останале во Комишуваха таму добивале хуманитарна помош секој понеделник“.
„Ова е уште еден доказ дека Русија не сака никаква деескалација“, рече Зеленски.
Тој додаде дека по неодамнешната успешна заедничка руско-украинска операција за евакуација на цивили од градот Олешки во јужна Украина, кој е под руска окупација, за време на привременото примирје со посредство на првата дама на САД Меланија Трамп, дојде момент кога следните чекори може да покажат дека мирот е можен.
„Со ваквите убиства, Русија испраќа сосема спротивна порака – Русија смета на нови убиства“, рече Зеленски.
Во меѓувреме, Семикин го опиша рускиот напад како „страшна трагедија“ за селото, потврдувајќи дека „луѓето се уште се под урнатините“.
Тој изјави дека на местото на нападот работеле спасувачки тимови, но дека во неколку наврати морале да ја прекинат операцијата поради нападите со руски беспилотни летала во областа.
Во целиот регион на Запорожје, вторник е прогласен за Ден на жалост.
Рускиот претседател Владимир Путин започна сеопфатна инвазија на Украина во февруари 2022 година.
Делегациите на Украина, Русија и Соединетите Американски Држави треба да ги продолжат мировните преговори следната недела во Абу Даби, главниот град на Обединетите Арапски Емирати, изјави на социјалната мрежа Икс специјалниот пратеник на американскиот претседател Доналд Трамп, Стив Виткоф.
Откако разговорите беа прекинати во февруари, Москва ги засили нападите, додека Киев речиси остана без ракетни пресретнувачи што ги доби од западните сојузници за одбрана од ракетни напади.
Не се очекува значителен напредок во преговорите. Виткоф рече дека разговорите ќе се фокусираат на „повоените безбедносни аранжмани, деескалација, хуманитарни активности и следните чекори кон мирот“.
Тој додаде дека американските преговарачи ќе се сретнат и со европски претставници и претставници на НАТО оваа недела во Брисел.