Полицијата во индиската држава Гуџарат уапси седум лица за наводно претепување на војник до смрт.
Тој бил нападнат откако протестирал поради објавувањето на видео од неговата ќерка тинејџерка на Интернет, се вели во соопштението на полицијата.
Војникот Мелај Вагела се пожали откако видеото од неговата ќерка стана вирално на интернет, а тој претрпе брутална одмазда за неговата жалба.
Наводните напаѓачи се членови на семејството на тинејџерката Вагела обвинета за прикачување на видеото. Во нападот се повредени и сопругата и синот на Вагела.
Жртвата работела во индиските гранични безбедносни сили. Според полицискиот извештај поднесен од сопругата на Вагела, Манџула, нападот се случил во саботата вечерта во областа Кеда во Гуџарат, јавува Би-Би-Си.
Вагела, неговата сопруга, двата сина и внук отишле во куќата на тинејџерот да се пожалат дека тој наводно ја пуштил снимката од девојката.
Неколку вести го опишаа видеото како вулгарно. Расправијата прераснала во тепачка, а роднините на момчето со дрвени стапови и остри предмети ги нападнале војникот и неговото семејство.
Вагела бил тешко повреден и починал веднаш, додека еден од неговите синови е во болница со повреди на главата. Против седуммината обвинети полицијата поднесе пријава за убиство.
Вчера биле испратени во притвор, но сѐ уште не се изјасниле за вина.