Под површината на северниот пол на Марс се наоѓа огромен резервоар на заледена вода, откриле новите истражувања. Пронајдените резерви би биле доволни да ја покријат целата Црвена планета со вода.
Користејќи посебен радар, научниците под северниот пол на Марс откриле заледена вода зарботена меѓу песочните слоеви.
– Ова и за нас беше големо изненадување, рекол Гизмодо Стефано Нероци, лидер на истражувањето од Универзитетот во Тексас.
Огромниот резервоар се формирал така што слоевите мраз се измешале со песокот во текот на стотиците милиони години. Се наоѓаат околу два километри под северниот пол.
Научниците и пред тоа верувале дека тука се наоѓаат слоеви мраз, но мислеле дека се работи за многу мало количество.
Меѓутоа, сега радарското секнирање од орбитата покажува дека има многу повеќе мраз отколку песок, што резервоарот го ичини трет најголем на Црвената планета, веднаш зад поларните капи.
Во слоевите на резервоарите односот мраз и песок се движи од 61 до 88 отсто, што е многу пвоеќе од што претходно се мислело. Доколку би бил донесен на површината и стопен, би било доволно да ја прекрие целата површина на Марс со метар и пол вода.
Истражувањето е бојавено во списанието „Geophysical Research Letters“, а новите набљудувања се направени со помош на „Шарад“, инструмент кој се наоѓа на леталото „Mars Reconnaissance Orbiter“ на НАСА.