На територијата на Општина Куманово во петок, 3 јули, во раните утрински часови ќе се спроведе авионска дезинсекција против комарци.
Од Општината информираат дека третманот ќе започне во 5 часот и ќе опфати површина од 1.270 хектари.
Со прскањето ќе бидат опфатени течението на реките Кумановка, Липковка и Којнарка, месните заедници Бабин Дол, Гоце Делчев и Тоде Мендол, централното градско подрачје, како и прочистителната станица на ЈП „Водовод“ во село Добрашане.
За третманот ќе се користи препаратот Aqua Perm-X 30-30.
Од Општина Куманово апелираат до пчеларите навреме да преземат соодветни мерки за заштита на пчелите.
Доколку временските услови не дозволат спроведување на третманот во предвидениот термин, авионското прскање ќе биде реализирано првиот нареден ден со поволни временски услови.
Никола Ивановски