Куманово ќе добие пет нови возила за комунална хигиена преку набавка на Владата, наменети за ЈП „Чистота и зеленило“.
Станува збор за една цистерна, две автометлачки и два камиона за собирање на смет.
Претседателката на Советот на Општина Куманово, Ивана Ѓорѓиевска, присуствуваше на промоцијата на новите возила во Скопје, на покана на Владата и Министерството за транспорт и врски.
Новите возила ќе бидат распределени во Скопје и уште девет општини – Куманово, Тетово, Прилеп, Струмица, Штип, Охрид, Неготино, Кичево, Дебар и Велес.
Вкупно се набавени 49 возила за комунална хигиена, а средствата се обезбедени преку заштеда од проектот за ревитализација и изградба на нови локални и регионални улици, кој Владата го спроведува во соработка со Светска банка.
Од Општина Куманово посочуваат дека новата механизација ќе биде ставена во функција на одржувањето на комуналната хигиена во градот.
Никола Ивановски