Украинскиот претседател Володимир Зеленски објави дека неговите сили повторно го зазеле стратешки важното село Клишчиевка во јужната периферија на клучниот град Бахмут.
„Денес би сакал особено да ги пофалам војниците кои чекор по чекор и го враќаат на Украина она што ѝ припаѓа, односно во регионот Бахмут“, рече Зеленски во своето ноќно видео обраќање.
Украинската заменик-министерка за одбрана Хана Маљар сподели видео од украинските сили кои креваат знамиња, вклучително и сино-жолтите национални знамиња, со уништени згради и звук на борби во позадина.
Генерал-полковник Олександр Сирски, командант на копнените сили на Украина, исто така го потврди повторното заземање на селото, кое Русија ја презеде контролата во јануари и се наоѓа на околу 9 километри јужно од Бахмут, град кој Русија го освои во мај по неколкумесечни тешки борби.
Илја Јевлаш, портпарол на украинските трупи на истокот, рече дека битката предизвикала „голема штета“ на руските сили.
Сите информации поврзани со најновите случувања со војната во Украина можете да ги прочитате ТУКА.