МЕТА вчера објави дека ќе ја укине општата забрана за зборот „шехид“ по едногодишно разгледување од нејзиниот надзорен одбор, пишува Ројтерс.
Зборот „шехид“ всушност значи маченик, оној кој загинал исполнувајќи верски наредби или за време на војна за религија.
Мачениците често се нарекуваат бомбаши самоубијци или терористи кои загинале за време на извршување на терористички чин.
Притисокот се зголеми по избувнувањето на војната меѓу Израел и Хамас
Мета е критикувана со години за справување со содржини кои го вклучуваат Блискиот Исток.
Студијата од 2021 година нарачана од самата Мета покажа дека пристапот на Мета има „штетно влијание врз човековите права“ на Палестинците и другите корисници кои зборуваат арапски.
Критиките ескалираа по почетокот на војната меѓу Израел и Хамас во октомври минатата година.
Мета ја започна својата ревизија минатата година бидејќи зборот предизвика повеќе отстранување на содржината на платформите на компанијата отколку кој било друг збор или фраза.
Мета е матична компанија на Facebook и Instagram.
Ревизијата утврдила дека правилата на Мета за зборот „маченик“ не ја земале предвид различноста на значењата на зборот и резултирале со отстранување на содржина што не била насочена кон пофалби на насилни акти.
Надзорниот одбор ја поздрави одлуката на Мета, велејќи дека политиките на Мета доведоа до тоа милиони луѓе да бидат цензурирани на нејзините платформи.