Турската полиција уапси двајца опозициски новинари во утринските рации во Истанбул, како дел од истрагата за наводни закани и изнуда, се вели во судски документ што го видел Ројтерс.
Тимур Сојкан и Мурат Агирел, кои се познати по нивното истражувачко известување и критикување на владините политики и институции, и двајцата работат за ТВ каналот Халк, кој ја критикува владата на турскиот претседател Реџеп Таип Ердоган.
Кривичниот суд во Истанбул одобри налог за претрес и заплена, со кој се овозможува одземање и испитување на дигитални уреди, вклучувајќи компјутери, хард дискови и мобилни телефони.
Одлуката е донесена на барање на Основното јавно обвинителство на Истанбул, кое води истрага според кривичниот законик за „закани“ и „изнуда“.
Сојкан и Агире, автори на неколку книги за наводните врски меѓу мафијата и државните институции, веќе се соочија со правен притисок за нивните извештаи, пренесува Танјуг.