Турската полиција и разузнавањето уапсија оперативец на Исламска држава, изјави турскиот претседател Реџеп Таип Ердоган.
Ердоган синоќа го идентификуваше заробениот оперативец како Башар Хатаб Газал Ал Сумејдаи и дека е познат по името Абу Зеид.
Претседателот рече дека бил уапсен врз основа на разузнавачки информации дека илегално ќе влезе во Турција, но не кажа кога била извршена операцијата.
Абу Зеид е уапсен во заедничка акција на полицијата и разузнавачката агенција откако ги следеле неговите врски во Сирија и Истанбул, пренесува Бета.