Американскиот претседател Доналд Трамп објави на Твитер дека „најважниот случај во историјата“ ќе се случи пред Врховниот суд на САД.
„Ако Врховниот суд покаже мудрост и храброст, американскиот народ ќе победи во можеби најважниот случај во историјата и нашиот изборен процес повторно ќе биде почитуван“, напиша Трамп.
Тој не прецизираше за што станува збор, но странските агенции претходно објавија дека повеќе од половина републиканци во Претставничкиот дом на САД ја поддржаа тужбата на Тексас, која се обидува да ја поништи победата на Џо Бајден.
Како што е наведено, 17 републикански обвинители и 126 членови на Конгресот им се придружија на Тексас и Трамп во повикот на Врховниот суд на САД да отфрли милиони гласови во четири клучни држави, Мичиген, Џорџија, Пенсилванија и Висконсин, тврдејќи дека тие направиле измама за време на изборите.
Пандорка Арсовска-Гацова