Американскиот претседател Доналд Трамп изјави дека е „срамно“ што Индија го нападна Пакистан синоќа и се надева дека тоа ќе заврши брзо.
„Штета е. Токму слушнавме за тоа“, им рече Трамп на новинарите во Белата куќа, објави Гардијан.
Тој додаде дека „луѓето знаеле дека нешто ќе се случи врз основа на минатото“, бидејќи обете страни се борат „многу, многу децении и векови“.
„Само се надевам дека ова ќе заврши многу брзо“, додаде Трамп.
Портпаролот на Стејт департментот изјави дека се свесни за извештаите за тековните напади, но „во овој момент немаат проценка“.
„Ова е сè уште ситуација во развој и внимателно го следиме развојот на настаните“, рече портпаролот.
Во последните денови, Вашингтон ги повика двата соседа со нуклеарно оружје да работат заедно за деескалација на тензиите и постигнување „одговорно решение“.
Американските лидери, вклучувајќи го и претседателот Доналд Трамп, ѝ понудија поддршка на Индија по терористичкиот напад на 22 април во кој загинаа 26 лица, а за кој Њу Делхи го обвини Пакистан.
Американските претставници не го обвинија директно Пакистан.
Воената акција беше спроведена синоќа по терористичкиот напад во индиски Кашмир на 21 април, во кој беа убиени 26 лица, а Индија го обвини Пакистан за вмешаност во тој напад.
Според најновите податоци, бројот на загинати во индискиот напад врз Пакистан и делови од Кашмир под контрола на таа земја се искачи на осум, додека 35 лица се ранети, изјави портпаролот на пакистанската армија, Ахмед Шариф.
Тој претходно изјави дека седум лица, меѓу кои и две деца, биле убиени во индиските напади.