Критичарите ги исмеваат Белата куќа и американскиот претседател Доналд Трамп затоа што ги вклучиле Островите Херд и Мекдоналд на листата на меѓусебни царини.
Имено, воведена е тарифа од 10 отсто за овие субантарктички острови во Индискиот Океан кои се населени со фоки, птици и пингвини.
Островот Херд и Островите Мекдоналд, кои ја сочинуваат најоддалечената територија на Австралија, се меѓу најоддалечените места на земјата, до кои може да се стигне само со двонеделно возење со брод од Перт.
Тие се целосно ненаселени, а на нив наводно не стапнала човечка нога во последните десет години.
Островите се вклучени затоа што се австралиска територија, изјави претставник на Белата куќа.
Сепак, доста збунувачки се податоците за извозот од островите Херд и Мекдоналд.
Дејноста што се врши на тој простор е риболовот, но нема капацитети.
И покрај тоа, според податоците на Светската банка, во 2022 година САД увезле производи во вредност од 1,4 милиони американски долари од островите Херд и Мекдоналд, од кои речиси сите биле „машини и електронска опрема“.
Во претходните пет години, увозот на островите Херд и Мекдоналд се движеше од 15.000 до 325.000 долари годишно. Но, исто така не е јасно за што се работи, пишува Гардијан.
На социјалните мрежи сепак критичарите на Трамп се забавуваат на негова сметка.
„Пингвините не крадат со години“, напиша поранешниот директор за комуникации на Трамп, Ентони Скарамучи, сега негов критичар.
„Предолго, пингвините на ненаселените острови Херд и Мекдоналд на Антарктикот ги преплашуваа американските даночни обврзници“, напиша уредникот на Вашингтон пост. „Тоа завршува денес.“